Berichte Wegewart
Griaß eich Godd ihr liabe Leid
jedsd isch´s wieder mol so weid,
dass i, ob e will oder nedd,
ebbes zom verzähla hedd.
zom zehnda mol isch des jedsad schau,
dass i so Versla vordraga hau,
vo oseram Doa on Macha rondom,
hald so om osern Flegga rom.
Alle Jahre wieder,
muß ich treu und bieder,
ehrlich euch berichten,
von all den Geschichten,
die des Wegewarts Pflichten.
Spaß macht das mitnichten,
soll man dabei noch dichten!
Doch Gunther wird´s schon richten.
Auch des Johr bleibts eich net erspart
es grüßt euch euer Wegewart!
Was sag i jedsd blos scho wieder de Leid,
was es desmol vo mir zom berichda geid?
Em ledschda Wegewartsbericht schdood jo drenn,
dass neie Wanderdafla en deam Johr dra senn.
Dia Endwirf sen au bald zor Korrektur angekomma,
ond i han se griddisch en Augaschei gnomma.
Do hodd mr ledschd Johr scho dia Weg publizierd,
wo heid d`Beschilderung "Landtour" romfihrd,
on em Jahresrückblick sen se jedsd au erwähnd,
dass dr Wanderer wenn er wedd,
kennt a scheene Ronde bei oos dreha.
fird ´Gsondheit on sai Wohlerheha.
Em ledschda Johr han i eich berichtet,
dass mir neie Rundwanderweg kriagat.
Aber damals war ihr Verlauf non et klar,
doch jetzt send mir schlauer on wissat sogar,
net blos da Verlauf, sondern au wia se sich nennat,
so dass mar jetzt wieder weitermacha kennad.
Dia Nama verod i jedsd aber no nedd,
falls mar dia vielleicht nomal ändara wedd.
Bericht vom Wegewart Gunther Schmid anlässlich der Jahreshauptversammlung am 01.02.2014
Woes net was an onsere Weg so wichdig gwä wär,
drom mach i mi glei iber was anderes her.
I han scho a bar Mol nebabei so erwähnd,
dass die Ärbada fascht emmer de gleiche send.
Jedzd aber fährd mr en onserm Landkreis
zmol uff ama vollkomma neia Gleis.